छत्तीसगढ़/कोरबा :- छत्तीसगढ़िया अस्मिता, हक आधिकार बर गठित राजनैतिक पार्टी जोहार छत्तीसगढ़ पार्टी के महतारी संगठन छत्तीसगढ़िया क्रान्ति सेना के कोरबा जिला संयोजक जैनेन्द्र कुर्रे छत्तीसगढ़िया हर प्रेस विगप्ति जारी करके बताइस कि केंद्र सरकार के बजट के बाद अब राज्य सरकार के बजट हर घलो बिकट निनासे लाइक हे काबर कि जहां केन्द्र ले उम्मीद रहीच कि छत्तीसगढ़ी ला आठमी अनुसूची मा सामिल करे के घोसना करही फेर नई करीच वहीं राज्य सरकार सो आसरा रहीच छत्तीसगढ़ी भासा ला गोद लिही, रोजगार,पढ़ाई लिखाई के भासा बनाही फेर लगत हे कि दूनो मन बर छत्तीसगढ़ी हर खाली वोट मांगे के भासा बन के रह गय हे , साथ ही ओहर कहीच कि ए बजट मा छत्तीसगढ़ीया समाज बर न रोजगार के जिक्र करीच आऊ न ही हसदेव जंगल ला बचाएं के। जेखर बर हमर संगठन हर ये बजट ला निनासत हे। हमर मन नई आइच।
